୪,୦୦୦ ଲାଞ୍ଚ ନେଇ ଭିଜିଲାନ୍ସ ଜାଲରେ ଧରାପଡ଼ିଲେ ଅଡିଟର୍‌

ଭିଜିଲାନ୍ସ ଜାଲରେ ଦୁର୍ନୀତିଗ୍ରସ୍ତ ଅଡିଟର! ଘରୁ ମିଳିଲା ୨୮ ଲକ୍ଷ ନଗଦ ଟଙ୍କା । ଲାଞ୍ଚ ନେଇ ଭିଜିଲାନ୍ସ ଜାଲରେ ଶିକ୍ଷା ବିଭାଗର ଅଡିଟର। ଭୁବନେଶ୍ୱର ଆଞ୍ଚଳିକ ଶିକ୍ଷା ନିର୍ଦ୍ଦେଶକଙ୍କ କାର୍ଯ୍ୟାଳୟର ଜଣେ ଅଡିଟରଙ୍କୁ ଓଡ଼ିଶା ଭିଜିଲାନ୍ସ ଗିରଫ କରିଛି। ଜଣେ କର୍ମଚାରୀଙ୍କ MACP ସ୍କିମ୍ ଅଧୀନରେ ବର୍ଦ୍ଧିତ ଦରମା ପାଇବା ପାଇଁ ଆବଶ୍ୟକ ‘ସର୍ଭିସ୍ ଭେରିଫିକେସନ୍’ କରିଦେବାକୁ ସେ ଲାଞ୍ଚ ନେଉଥିବା ବେଳେ ଧରାପଡ଼ିଛନ୍ତି। ଗିରଫ ପରେ ତାଙ୍କ ସ୍ଥାନରେ ଚଢ଼ାଉ କରାଯାଇ ୨୮.୭୦ ଲକ୍ଷରୁ ଅଧିକ ନଗଦ ଟଙ୍କା ଠାବ କରାଯାଇଛି ଏବଂ ସେହି ଟଙ୍କାକୁ ଭିଜିଲାନ୍ସ ଜବତ କରିଛି। ଏହା ପରେ ତାଙ୍କ କାର୍ଯ୍ୟାଳୟ ଏବଂ ବାସଭବନରେ ଏକକାଳୀନ ଭିଜିଲାନ୍ସ ଟିମ୍ ଯାଞ୍ଚ କରିଥିଲା। ତାଙ୍କ କାର୍ଯ୍ୟାଳୟ ଡ୍ରୟରରୁ ଆହୁରି ୧,୨୮,୦୦୦ ଟଙ୍କା ଭିଜିଲାନ୍ସ ଜବତ କରିଥିଲା। ଏହା ପୂର୍ବରୁ ସଂଗୃହୀତ ଲାଞ୍ଚ ବୋଲି ସନ୍ଦେହ କରାଯାଉଛି।ଅମ୍ବିକା ପ୍ରସାଦ ରଥଙ୍କ ପାଖରୁ ଲାଞ୍ଚ ଟଙ୍କା ଜବତ କରାଯାଇଛି । ପରେ ଭୁବନେଶ୍ୱରର ମଧୁସୂଦନ ନଗରରେ ତାଙ୍କ ଆବାସିକ କୋଠା ଏବଂ ତାଙ୍କ ଅଫିସ ରୁମରେ ଏକକାଳୀନ ତଲାସ ଆରମ୍ଭ କରାଯାଇଥିଲା । ତଲାସୀ ସମୟରେ, ତାଙ୍କ ଆବାସିକ କୋଠାରୁ ଆହୁରି 27,42,900 ଟଙ୍କା ଏବଂ ତାଙ୍କ ଅଫିସ ଟେବୁଲ ଡ୍ରୟରରୁ ନଗଦ 1,28,000 ଟଙ୍କା ଜବତ କରାଯାଇଥିଲା । ମୋଟ ନଗଦ 28,70,900 ଟଙ୍କା ଜବତ ହୋଇଛି ।ଅଭିଯୁକ୍ତ ଅମ୍ବିକା ପ୍ରସାଦ ରଥଙ୍କୁ କୋର୍ଟ ଚାଲାଣ କରାଯାଇଛି । ଏହି ସମ୍ପର୍କରେ, ଭୁବନେଶ୍ୱର ଭିଜିଲାନ୍ସ ଥାନରେ କେସ୍ ନମ୍ବର 4 ଦୁର୍ନୀତି ନିବାରଣ (ସଂଶୋଧନ) ଆଇନ, 2018 ଅନ୍ତର୍ଗତ ପଞ୍ଜିକୃତ ହୋଇଛି ଏବଂ ତଦନ୍ତ ଚାଲିଛି ।ଅମ୍ବିକା ପ୍ରସାଦ ରଥ ୨୦୦୦ ମସିହାରେ ଭୁବନେଶ୍ୱରର ଆଞ୍ଚଳିକ ଶିକ୍ଷା ନିର୍ଦ୍ଦେଶକଙ୍କ କାର୍ଯ୍ୟାଳୟରେ ଅଡିଟର ଭାବରେ ସରକାରୀ ଚାକିରି ଆରମ୍ଭ କରିଥିଲେ । ତାଙ୍କର ପ୍ରାରମ୍ଭିକ ଦରମା ଟଙ୍କା ୬,୦୦୦ ଟଙ୍କା ଥିଲା । ସେ ଉକ୍ତ କାର୍ଯ୍ୟାଳୟରେ ଅଡିଟର ପଦବୀରେ ୨୫ ବର୍ଷରୁ ଅଧିକ ସମୟ ଧରି କାର୍ଯ୍ୟ କରିଆସୁଛନ୍ତି ।