ସ୍ୱାସ୍ଥ୍ୟ ଅଧିକାରୀଙ୍କ କଡ଼ା ଚେତାବନୀ
ହଂକଂ ଓ ସିଙ୍ଗାପୁର ଭଳି ଦେଶମାନଙ୍କରେ କୋଭିଡ-୧୯ ମାମଲାରେ ହଠାତ୍ ବଢିଥିବା ଦେଖାଯାଇଛି । ଫଳରେ ସ୍ୱାସ୍ଥ୍ୟ ଏଜେନ୍ସୀମାନେ ସତର୍କ ହୋଇଛନ୍ତି । ନୂଆ ଲହରର ଚେତାବନୀ ହୋଇପାରେ ବୋଲି ବିଶେଷଜ୍ଞ କହିଛନ୍ତି । ଏଥିପାଇଁ ବିଶେଷଜ୍ଞମାନେ ଭାରତକୁ ସତର୍କ କରିଛନ୍ତି ।
ମେ ୩ ସୁଦ୍ଧା ହଂକଂରେ ୩୧ ଜଣ କରୋନା ସଂକ୍ରମଣ ମାମଲା ରିପୋର୍ଟ ହୋଇଛି । ଏଥିରେ ଅନେକ ମୃତ୍ୟୁ ବରଣ କରିଛନ୍ତି । ହଂକଂ ମଧ୍ୟ କହିନାହିଁ ଯେ ପ୍ରଥମ ମାମଲା କେବେ ରିପୋର୍ଟ ହୋଇଥିଲା । ପୂର୍ବରୁ ସିଙ୍ଗାପୁର ମଧ୍ୟ ଏକ କୋଭିଡ୍ ଆଲର୍ଟ ଜାରି କରିଥିଲା ଏବଂ ଚଳିତ ବର୍ଷ କରୋନା ମାମଲା ସମ୍ପର୍କରେ ପ୍ରଥମ ଅପଡେଟ୍ ଜାରି କରିଥିଲା ।
ଏପ୍ରିଲର ଶେଷ ସପ୍ତାହରେ ସିଙ୍ଗାପୁରରେ କରୋନା ମାମଲା ସଂଖ୍ୟା ୧୧,୧୧୦ ଥିଲା, ଯାହା ମେ ପ୍ରଥମ ସପ୍ତାହରେ ୧୪,୨୦୦କୁ ବୃଦ୍ଧି ପାଇଛି । ଏଠାରେ ମାମଲା ସଂଖ୍ୟା ୨୮% ବୃଦ୍ଧି ପାଇଛି। ଚଳିତ ବର୍ଷ ଏପର୍ଯ୍ୟନ୍ତ ୧୪୨୦୦ ଜଣ କରୋନା ରୋଗୀ ଚିହ୍ନଟ ହୋଇଛନ୍ତି । ସେହି ସମୟରେ ପ୍ରତିଦିନ ଡାକ୍ତରଖାନାରେ ଭର୍ତ୍ତି ହେଉଥିବା ରୋଗୀଙ୍କ ସଂଖ୍ୟା ୩୦ ପ୍ରତିଶତ ବୃଦ୍ଧି ପାଇଛି ।
ସ୍ୱାସ୍ଥ୍ୟ ଅଧିକାରୀମାନେ ଚେତାବନୀ ଦେଇଛନ୍ତି ଯେ ଏହି ମହାମାରୀ ପୁଣି ଥରେ ଗମ୍ଭୀର ରୂପ ନେଇପାରେ ଏବଂ ଏହାର ପ୍ରଭାବ ଏସିଆର ଅନ୍ୟାନ୍ୟ ସ୍ଥାନରେ ମଧ୍ୟ ଅନୁଭୂତ ହୋଇପାରେ ।ସାଧାରଣତଃ ସ୍ୱାସ୍ଥ୍ୟ ବିଶେଷଜ୍ଞ ନିଶ୍ୱାସପ୍ରଶ୍ୱାସ ସମ୍ବଦ୍ଧିତ ସଂକ୍ରମଣ ଥଣ୍ଡା ଋତୁରେ ଅଧିକ ବ୍ୟାପିଥାଏ ବୋଲି କହିଛନ୍ତି । ତେବେ ଭାରତରେ ଏବେ କରୋନା ସଂକ୍ରମଣ ନେଇ କୌଣସି ସୂଚନା ମିଳି ନାହିଁ । ହେଲେ ଏବେଠାରୁ ସତର୍କ ହେବା ପାଇଁ ବିଶେଷଜ୍ଞ ଚେତାଇ ଦେଇଛନ୍ତି ।
କାରଣ ପଡୋଶୀ ଦେଶରେ ଭୂତାଣୁ ସଂକ୍ରମଣ ଏବେ ଚିନ୍ତାଜନକ ସ୍ଥିତିକୁ ପହଞ୍ଚିଛି। ହଂକଂର ସଂକ୍ରାମକ ରୋଗ ସ୍ୱାସ୍ଥ୍ୟ ଅଧିକାରୀ ଆଲବର୍ଟ ଆଉଙ୍କ ଅନୁଯାୟୀ, କରୋନାଭାଇରସ୍ ମାମଲା ବହୁତ ଦ୍ରୁତ ଗତିରେ ବୃଦ୍ଧି ପାଉଛି । ସେ କହିଛନ୍ତି ଯେ ଶ୍ୱାସକ୍ରିୟା ସମସ୍ୟା ଥିବା ରୋଗୀଙ୍କ କୋଭିଡ୍ ପଜିଟିଭ୍ ମିଳିବାର ସମ୍ଭାବନା ଚଳିତ ବର୍ଷ ସର୍ବାଧିକ ସ୍ତରରେ ପହଞ୍ଚିଛି ।