ବାସନ ମାଜିଲେପାକ ଖେଳାଳି

ପ୍ରଶଂସା କମ ବଦନାମ ଅଧିକ ହଉଛି ପାକିସ୍ତାନ । ନିଜ ଦେଶ ଛାଡି ବିଦେଶରେ ନାହିଁ କୌଣସି ସମ୍ମାନ । ପାକିସ୍ତାନ ପୁଣି ଏବେ ଚର୍ଚ୍ଚାରେ । ଅନ୍ତର୍ଜାତୀୟ ମଞ୍ଚରେ ଲଜ୍ଜିତ ହୋଇଛି ପାକିସ୍ତାନ । ପାକ୍ ହକି ଟିମ୍ ଅଧିନାୟକ ସକିଲ ଅମ୍ମାଦ ବଟ୍ଟ ପାକ୍ ହକି ଫେଡେରେସନ ବିରୋଧରେ ବର୍ଷିଛନ୍ତି । ସେ କହିଛନ୍ତି ଯେ, ମ୍ୟାଚ୍ ଖେଳିବା ପୂର୍ବରୁ ସେମାନଙ୍କୁ ବାସନ ମାଜିବାକୁ ପଡିଥିଲା । ଏପରିକି ରାସ୍ତାରେ ଘଣ୍ଟା ଘଣ୍ଟା ଅପେକ୍ଷା କରି ରହିବାକୁ ହୋଇଥିଲା । ଅଷ୍ଟ୍ରେଲିଆ ଗସ୍ତରୁ ଆସିବା ପରେ ସକିଲ ଏପରି କିଛି ଅଭିଯୋଗ କରିଛନ୍ତି ।ପାକିସ୍ତାନ ଜାତୀୟ ହକି ଦଳର ଅଷ୍ଟ୍ରେଲିଆ ଗସ୍ତ ପୁଣିଥରେ ଦେଶର କ୍ରୀଡ଼ା ପ୍ରଶାସନର ପର୍ଦ୍ଦାଫାସ କରିଛି । FIH ପ୍ରୋ ଲିଗର ଦ୍ୱିତୀୟ ପର୍ଯ୍ୟାୟରେ ଯାତ୍ରା କରିଥିବା ଏହି ଦଳ କେବଳ ମ୍ୟାଚ୍ରେ ପରାସ୍ତ ହୋଇନାହିଁ ଅପମାନଜନକ ପରିସ୍ଥିତି ମଧ୍ୟ ସହିଛି । ଲାହୋର ବିମାନବନ୍ଦରରୁ ଫେରିବା ପରେ ଦଳର ଅଧିନାୟକ ଶକିଲ ଅମ୍ମାଦ ବଟ୍ ଗଣମାଧ୍ୟମ ସମ୍ମୁଖରେ ଅନେକ ଖୁଲାସା କରିଛନ୍ତି । ପାକିସ୍ତାନ ହକି ଫେଡେରେସନକୁ କଡ଼ା ସମାଲୋଚନା କରିଛନ୍ତି ।ଅଷ୍ଟ୍ରେଲିଆରେ ତାଙ୍କ ଦଳକୁ ହୋଟେଲ ବୁକିଂ ଅଭାବରୁ କେବଳ ରାସ୍ତାରେ ବୁଲିବାକୁ ପଡିନାହିଁ, ବରଂ ମ୍ୟାଚ୍ ଖେଳିବାକୁ ଯିବା ପୂର୍ବରୁ ବାସନ ଧୋଇବାକୁ ପଡିଛି । ଯେତେବେଳେ ଖେଳାଳିମାନଙ୍କୁ ମ୍ୟାଚ୍ ଖେଳିବା ପୂର୍ବରୁ ରୋଷେଇ ଘର ସଫା କରିବାକୁ ପଡ଼େ ଏବଂ ବାସନ ଧୋଇବାକୁ ପଡ଼େ, ସେତେବେଳେ ଆପଣ ଆମଠାରୁ ଭଲ ଫଳାଫଳ କିପରି ଆଶା କରିପାରିବେ ।ଅଷ୍ଟ୍ରେଲିଆ ଗସ୍ତ ସମୟରେ ଦଳ ଅନେକ ଅସୁବିଧାର ସମ୍ମୁଖୀନ ହୋଇଥିଲା । କାନବେରାକୁ ବିମାନ ଚଢ଼ିବା ପୂର୍ବରୁ ସେମାନଙ୍କୁ ସିଡନୀ ବିମାନବନ୍ଦରରେ ୧୩-୧୪ ଘଣ୍ଟା ଅପେକ୍ଷା କରିବାକୁ ପଡିଥିଲା । ହୋଟେଲରେ ପହଞ୍ଚିବା ପରେ ସେମାନେ ଜାଣିପାରିଲେ ଯେ ପାକିସ୍ତାନ ହକି ଫେଡେରେସନ ଆଗୁଆ ଦେୟ ଦେଇ ନଥିବାରୁ ବୁକିଂ ହୋଇନାହିଁ । ଖେଳାଳି ଏବଂ କର୍ମଚାରୀମାନେ ଘଣ୍ଟା ଘଣ୍ଟା ଧରି ରାସ୍ତାରେ ଛିଡା ହୋଇଥିଲେ । ପ୍ରଧାନମନ୍ତ୍ରୀ ଶେହବାଜ ସରିଫ ପିଏଚଏଫରର ମୁଖ୍ୟ ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି ।