ପୋଲିସ ବୁଝାଉଥିଲା କିନ୍ତୁ ଶୁଣିନଥିଲେ ଅଟୋ ବାଲା
ଶେଷରେ ମାଡ଼ ମାରି ଶହଶହ ଅଟୋ ବାଲାଙ୍କୁ ଭଗେଇଲା ପୋଲିସ
ଯେଉଁ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି
ହଁ ଆଜ୍ଞା ପୋଲିସ ଆଉ ଅଟୋ ବାଲା ମୁହମୁହି l କେଉଁଠି ଅଟୋ ବାଲା ମିଶି ପୋଲିସ କୁ ବିରୋଧ କରୁଛନ୍ତି l ତ ଆଉ କେଉଁଠି ପୋଲିସ ଶହଶହ ଅଟୋ ବାଲାଙ୍କ ଉପରେ ଲାଠି ଚାର୍ଜ କରୁଛି l ଯାହାର ଭିଡିଓ କେବଲ ରାଜଧାନୀ ଭୁବନେଶ୍ୱର ନୁହଁ ବରଂ ସାରା ଓଡ଼ିଶାରେ ଚର୍ଚ୍ଚାର ବିଷୟ ପାଲଟି ଯାଇଛି l ଦେଖୁଦେଖୁ ଆନ୍ଦୋଳନ ତୀବ୍ର ହେଇଥିଲା l ମୋ ବସ୍ ର ପଂପ ଖୋଲି ଦେଲେ। ଟେକା ପଥର ଫିଙ୍ଗି କାଚ ଭାଙ୍ଗିଲେ। ଗୁଣ୍ଡ କରିଦେଲେ ପୋଲିସ ଗାଡ଼ି l ପୋଲିସ କଲା ଲାଠି ଚାର୍ଜ l ଡ୍ରାଇଭର ବି ପୋଲିସକୁ ପଥର ଫିଙ୍ଗିଲେ। ଯେମିତି ରଣକ୍ଷେତ୍ର ପାଲଟିଛି ଲୋୟର ପିଏମଜି ଏବଂ ମାଷ୍ଟର କ୍ୟାଣ୍ଟିନ୍ ଛକ l ପୋଲିସକୁ ଟେକା ମାଡ଼ କଲେ। ଆମ ବସ୍ ବି ଭାଙ୍ଗିଲେ l ବିଭିନ୍ନ ଦାବିକୁ ନେଇ ଭୁବନେଶ୍ବରରେ ଅନଲାଇନ୍ ଗାଡ଼ି ଚାଳକ ଆନ୍ଦେଳନକୁ ଓହ୍ଲାଇଥିବା ବେଳେ ପୋଲିସ ସହ ଧସ୍ତାଧସ୍ତି ହେଇଛି l ପୋଲିସ ଗୋଡ଼େଇ ଗୋଡ଼େଇ ଆନ୍ଦୋଳନକାରୀଙ୍କୁ ପିଟିଛି l ଆଉ ଭୁବନେଶ୍ବରର ଚଳଚଞ୍ଚଳ ମୁଖ୍ୟ ରାସ୍ତା ଲୋୟର ପିଏମଜିରେ ମହାଭାରତ ହୋଇଛି l ଏମିତି କିଛି ପୋଲିସ କର୍ମଚାରୀ ଓ ଡ୍ରାଇଭର ରକ୍ତାକ୍ତ ହୋଇଛନ୍ତି l ଆଜି ତୃତୀୟ ଦିନରେ ଅନଲାଇନ ଅଟୋ ଟ୍ୟାକ୍ସି ଡ୍ରାଇଭରଙ୍କ ଧାରଣା ବେଳେ ଏକାଠି ହୋଇଥିଲେ ସମସ୍ତ ଚାଳକ l ଲୋୟର ପିଏମଜିରେ ଧାରଣା ଦେଇ ନାରାବାଜି କରିଥିଲେ। ୩୦ ଦଫା ଦାବି ନେଇ ଅନ୍ଦୋଳନ କରୁଛନ୍ତି ଅଲ୍ ଓଡ଼ିଶା ଗିଗ୍ ୱାର୍କର୍ସ ୟୁନିଅନ l ଅନଲାଇନ୍ ଟ୍ୟାକ୍ସିର ଭଡ଼ା ଉପରେ ସରକାରଙ୍କ ନିୟନ୍ତ୍ରଣ ରହିବା ସହ ଯାତ୍ରୀଙ୍କ ପାଇଁ ଫିକ୍ସ ରେଟ୍ ନିର୍ଦ୍ଧାରଣ କରିବାକୁ ସଂଗଠନ ଦାବି କରିଛି l ଦିନରେ କିମି ପିଛା ୧୨ ଟଙ୍କା ଓ ରାତିରେ କିମି ପିଛା ୧୫ ଟଙ୍କା ଭଡ଼ା ନିର୍ଦ୍ଧାରଣ ପାଇଁ ଦାବି କରିଛନ୍ତି ଡ୍ରାଇଭର ସଂଘ l ତା’ସହ ଇନ୍ଧନ ଦର ବଢ଼ିଲେ ଭଡ଼ା ବୃଦ୍ଧି, ପିକ୍-ଆୱାର୍ ଓ ସପ୍ତାହାନ୍ତ ବୋନସ୍, ଦୀର୍ଘ ଦୂରତା ପିକଅପ୍ ପାଇଁ କ୍ଷତିପୂରଣ ଏବଂ ଅପେକ୍ଷା ସମୟର ଚାର୍ଜ ବୃଦ୍ଧି ଦାବି କରିଛନ୍ତି। ସରକାର ସଙ୍ଘ ସହ ତୁରନ୍ତ ଆଲୋଚନା କରି ଦାବିଗୁଡ଼ିକ ଲାଗୁ କରିବାକୁ ୟୁନିଅନ୍ ପକ୍ଷରୁ ଅନୁରୋଧ କରାଯାଇଛି l ହେଲେ ଆନ୍ଦୋଳନ ବେଳେ ପୋଲିସ ନାଲିଆଖି ଦେଖାଇବାରୁ କଥା ଲାଠି ଚାର୍ଜ ଯାଏଁ ଯାଇଛି। ଅଟୋ ଚାଳକ ଗାଡ଼ି