ଗାଡି ରେ ୩୦୦ ରୁ ଅଧିକ ପ୍ୟାକେଟ ଗଞ୍ଜେଇ ଜବତ

ସ୍କୋରପିଓ ରେ ଗଞ୍ଜେଇ ଚାଲାଣ ବେଳେ ଧରିଲା ପୋଲିସ। ବଲାଙ୍ଗିର ପୁଇଁନ୍ତଳା ବାଇପାସ ପାର୍କିଂ ନିକଟରେ ଜବତ କଲା ଗାଡି ସହ ଗଞ୍ଜେଇ। ପୋଲିସ ଯାଞ୍ଚ ବେଳେ ରାତିରେ ଫେରାର ମାରୁଥିଲା ଗଞ୍ଜେଇ ଭର୍ତ୍ତି ଗାଡି। ସୋନପୁର ବଲାଙ୍ଗିର ଟୋଲଗେଟ ଦେଇ ଦ୍ରୁତ ଗତିରେ ଫେରାର ମାରିବା ବେଳେ ପୁଇନ୍ତଲା ପୋଲିସ ପଛରେ ଗୋଡ଼ାଇ ବଲାଙ୍ଗିର ଜିଲ୍ଲାର ବାଇପାସ ପାର୍କିଂ ନିକଟରେ ଧରିବାରେ ସଫଳ ହୋଇଥିଲା ପୋଲିସ। ତେବେ ଗାଡ଼ିରେ ଡ୍ରାଇଭର ସହ ଅନ୍ୟ ୨ ଜଣ ସହଯୋଗୀ ପାର୍କିଂରେ ଥିବା ଧୂଳିପାଇଁ ଫେରାର ମାରିବାରେ ସଫଳ ହୋଇଥିଲେ। ଏନେଉ ଗାଡି କୁ ଜବତ କରିଥିଲା ପୁଇନ୍ତଲା ପୋଲିସ। ଆଜି ମାଜିଷ୍ଟ୍ରେଟ ଙ୍କ ଉପସ୍ଥିତିରେ ଗାଡିରୁ ଗଞ୍ଜେଇ ବାହାର କରାଯାଇଥିଲା ୩୧୬ ପ୍ୟାକେଟ ଗଞ୍ଜେଇ ଜବତ କରାଯାଇଛି। ଯାହା ୩ କୁଇଣ୍ଟାଲ ରୁ ଅଧିକ ହେବ। ଏହାର ଆନୁମାନିକ ମୂଲ୍ୟ ୧୦ ଲକ୍ଷ ରୁ ଅଧିକ ଟଙ୍କା ହେବା ନେଇ ଆକଳନ କରାଯାଇଛି। ତେବେ ଏତେ ପରିମାଣ ଗଞ୍ଜେଇ କେଉଁଠୁ ଆସି କେଉଁଠିକୁ ଯାଉଥିଲା ତାହାର ତଦନ୍ତ କରୁଛି ପୁଇନ୍ତଲା ପୋଲିସ।