ଆଜବେଷ୍ଟସ କଣା କରି ବୋହିନେଲେ ୧୨ଲକ୍ଷର ମୋବାଇଲ୍

ବର୍ଷା ପବନରେ ହେଲା ଲୁଟର ପ୍ଲାନ। ଟାର୍ଗେଟରେ ଥିଲେ ବ୍ୟବସାୟିକ ପ୍ରତିଷ୍ଠାନ। ଗୃପ ହେଇ ଆସିଲେ କଣା କରିଦେଲେ ଆଜବେଷ୍ଟ । ଆଉ ବୋହିନେଲେ ୧୨ଲକ୍ଷ ଟଙ୍କାର ମୋବାଇଲ୍ । ରାଜଧାନୀରେ ଏକ ମୋବାଇଲ ଦୋକାନରୁ ହୋଇଛି ଏହି ବଡ଼ ଧରଣର ଡକାୟତି । ମଞ୍ଚେଶ୍ୱର ଥାନା ଇଞ୍ଜଣା ଅଞ୍ଚଳରେ ଥିବା ଏକ ମୋବାଇଲ୍ ଦୋକାନରେ କଳାକନା ବୁଲାଇଛନ୍ତି ଦୁର୍ବୃତ୍ତ। ୫୦ଟି ମୋବାଇଲ ସହ ଦାମୀ ବ୍ରାଣ୍ଡ୍ ର ଇୟରଫୋନ୍, ଇୟର ବଡ, ସ୍ମାର୍ଟ ଓ୍ବାଚ୍ ଓ ଟାବଲେଟ୍ ଭଳି ସାମଗ୍ରୀମାନ ଲୁଟି ନେଇଛନ୍ତି ।ତେବେ ଦୀର୍ଘ ୧୦ଦିନ ଧରି ଦୋକାନୀଙ୍କ ପକ୍ଷରୁ ଅଭିଯୋଗ ହୋଇଥିଲେ ମଧ୍ୟ ଲୁଟେରାର୍ ଟେର୍ ମିଳିନି । ତେବେ ନିକଟରେ ଲାଗିଥିବା ସିସିଟିଭି ଫୁଟେଜ୍ ଆଧାରରେ ପୋଲିସ ତଦନ୍ତ ଆରମ୍ଭ କରିଥିବା ଜଣାପଡ଼ିଛି। ଆଜବେଷ୍ଟସ କଣା କରି ମୋବାଇଲ୍ ଲୁଟ୍ କରିଥିବା ସିସିଟିଭି ଫୁଟେଜରୁ ଜଣାପଡ଼ିଛି। ଶାବଳ ଓ ମାରଣାସ୍ତ୍ର ଜରିଆରେ ଲୁଟ୍ ପାଟ କରାଯାଇଥିବା ସାମ୍ନାକୁ ଆସିଛି ।ସେହିପରି ଆଜି ନୟାଗଡ଼ ଜିଲ୍ଲା ଜାମୁକୋଣ ପାହାଡ଼ ଉପରେ ଥିବା ମା’ ବୈଷ୍ଣୋଦେବୀଙ୍କ ମନ୍ଦିରରେ କଳା କନା ବୁଲାଇଲେ ଦୁର୍ବୁତ୍ତ । ଲୁଟି ନେଇଛନ୍ତି ମାଆଙ୍କ ସମସ୍ତ ସୁନା ଅଳଙ୍କାର । ଚୋରି ଅଳଙ୍କାରର ମୂଲ୍ୟ ପ୍ରାୟ ୪୦ ଲକ୍ଷ ଟଙ୍କା ହେବ। ଏହି ଚୋର ସ୍ଥାନୀୟ ଅଞ୍ଚଳର ହୋଇଥାଇପାରନ୍ତି ବୋଲି ଚର୍ଚ୍ଚା ହେଉଛି ।